Наступіла гарачая пара ў аграрыяў. Ідзе пасяўная кампанія. Работнікам сельгасарганізацый неабходна выканаць комплекс работ. Ажыццяўляецца зачыненне вільгаці, занясенне угнаенняў, сяўба. Вельмі важна, каб тэхніка працавала ў тэмпе, бо захаванне агранамічных тэрмінаў – важны складнік для атрымання выніку.

Вялікай праблемай з’яўляецца наяўнасць камянёў на палях, што можа пашкодзіць дарагую тэхніку і запаволіць тэмп прац. На дапамогу работнікам сельскай гаспадаркі прыходзяць прадстаўнікі працоўных калектываў арганізацый раёна.

Работы па зборы камянёў разгарнуліся ў ААТ “Васілішкі”. Палявыя камяні з’яўляюцца незаменнай падмогай у рамонце і аднаўленні сельскагаспадарчых аб’ектаў.

_{Сяргей КАСПЕРЧУК.}