У Шчучынскім раёне падвялі вынікі этапа рэспубліканскай прафсаюзнай акцыі “Наш жывёлавод”, ушаноўванне перадавікоў якой упершыню прайшло ў фармаце ўрачыстага сходу. На святочную сцэну ўзняліся дзесяткі работнікаў аграпрадпрыемстваў рэгіёну – ад аператараў машыннага даення да ветэрынарных урачоў і інжынерна-тэхнічнага персаналу.

У спіс адзначаных узнагародамі ўвайшлі прадстаўнікі такіх гаспадарак, як ААТ «Васілішкі», філіял «Жалудоцкі агракомплекс», ААТ «Орля», ААТ «Шчучынская птушкафабрыка», ААТ «Першамайск-агра», КСУП «Саўгас «Вялікае Мажэйкава», ААТ «Дэмбрава», ААТ «Дзэмбрава», ААТ «Шчучына».

Старшыня Шчучынскага райвыканкама Аляксей Садоўскі падкрэсліў выключную ролю жывёлагадоўчай галіны ў структуры нацыянальнай эканомікі і харчовай бяспекі краіны.

— Прысутныя сёння ў гэтай зале з’яўляюцца работнікамі самай важнай галіны нашай краіны, і я шчыра падтрымліваю рашэнне запрасіць усіх вас на агульнае мерапрыемства, каб праз святочны канцэрт даць магчымасць хаця б ненадоўга адпачыць ад вашай сапраўды цяжкай і адказнай працы. Кіраўнік дзяржавы ў ходзе сваіх рэгулярных наведванняў сельскагаспадарчых прадпрыемстваў нязменна акцэнтуе ўвагу менавіта на стане жывёлагадоўлі – ад забеспячэння належных умоў утрымання цялят да фінальнага выхаду малочнай прадукцыі, паколькі гэты сектар з’яўляецца адным з ключавых рэсурсаў эканомікі Беларусі. Наша галіна жывёлагадоўлі валодае каласальным патэнцыялам, і менавіта ваша прадукцыя штодзень корміць усю краіну, за што я выказваю вам глыбокую ўдзячнасць, – заявіў кіраўнік раёна.

Дыяна Кейка.
Фота аўтара.