Цяпер у раёне актыўна вядуцца работы па ўборцы цукровых буракоў і кукурузы. Стартаваўшы ў 20-х чыслах верасня, аграрыі самай вялікай гаспадаркі раёна - ААТ "Васілішкі" ўжо перасягнулі экватар: з 3700 гектараў кукурузы прыбралі больш за 2000 гектараў. Патрэбнай кандыцыі дасягнулі і карняплоды цукровых буракоў, якіх на 3 кастрычніка ўбрана ўжо больш за 20% - 111 гектараў з 500.
 
Праца ідзе зладжана, ураджайнасць радуе - нават правяраць не трэба. А вось захаванне бяспекі правядзення работ кантраляваць даводзіцца. Таму старшыня райкама прафсаюза работнікаў АПК Генрых Юрэвіч аб'ездзіў палі, дзе актыўна вядуцца ўборачныя работы, і наглядна паглядзеў, наколькі якасна арганізаваны ўмовы і ахова працы.

На механізатарах ляжыць вялікая адказнасць. Акрамя выканання вытворчых паказчыкаў ім неабходна забяспечваць бяспечныя ўмовы працы для сябе і калег: у кабінах павінна быць пітная вада, аптэчка з усім пералікам лекаў і сродкаў, тэхніка павінна спраўна працаваць, а сам аграрый павінен быць убраны ў індывідуальную абарону.

Механізатар Іван Рышкевіч, працуючы ў гаспадарцы з 2008 года, няшчасных выпадкаў на палях успомніць не можа - увесь час бяспецы надаюць вялікую ўвагу.
 

- Наша кіраўніцтва ніколі не эканоміць на ахове працы, - кажа Іван Рышкевіч. - Мы забяспечаны загараджальнымі, папераджальнымі прыладамі. Напрыклад, тут, на ўборцы буракоў, са мной працуюць двое паляводаў - яны збіраюць карняплоды, якія выпалі пры пагрузцы. Ведаю, што нельга дапушчаць іх блізкае знаходжанне ў лёзаў, таму заўсёды падаю гукавы сігнал перад пачаткам працы.

Да непрыемных наступстваў можа прывесці пару карняплодаў, якія выпалі з самазвалаў пры руху і якія трапілі пад колы іншых аўтамабіляў. Генрых Юрэвіч пацікавіўся ў прадпрымальніка Валерыя Пукшліса з Воранаўскага раёна, які прыехаў на пагрузку караняплодаў: "Ведаеце, як правільна і бяспечна перавозіць буракі на прыёмны пункт?" Мужчыну растлумачылі, наколькі важна кантраляваць размяшчэнне, мацаванне і стан любога грузу, каб пазбегнуць яго выпадзення.


- У ААТ "Васілішкі" скрупулёзна выконваюць пункты правамернасці выпуску тэхнікі і допуску работнікаў да працы, - распавёў вызвалены тэхнічны інспектар першаснай прафсаюзнай арганізацыі ААТ "Васілішкі" Антон Панасевіч. - Гаспадарка вялікая, машын шмат, нават калі нешта рамантуюць, аднаўленне займае пару дзён, не больш.
 
Задаволены ўмовамі аховы працы і аграрыі, задзейнічаныя на ўборцы кукурузы на сілас. Механізатар Сяргей Головач працуе пяты сезон:


– Конечно, для меня важно знать, что ни со мной, ни с коллегами не случится травмоопасная ситуация. С нами перед каждым сезоном полевых работ проводятся инструктажи, мы проходим медицинское освидетельствование, обучение. У нас есть средства индивидуальной защиты, специальные костюмы. Целый день на поле – и в день коллективно убираем до 600 тонн кукурузы. Техника работает исправно, поэтому справимся с уборкой за дней 10.

Начальнік вытворчасці раслінаводчай прадукцыі сельгаспрадпрыемства Іван Кімашэўскі расказаў, што сярэдняя ўраджайнасць цукровых буракоў складае 501,1 цэнтнера з гектара, кукурузы на сілас - 378,8, кукурузы на зерне - 90,8 цэнтнера з гектара.
 

Дыяна Кейка.
Фота аўтара.