ААТ Васілішкі - шматгаліновая гаспадарка, якая спецыялізуецца на вырошчванні збожжавых і зернебабовых культур, насення масленічных культур, бульбы, цукровых буракоў, кармавых культур, развядзенні свіней і малочнай буйной рагатай жывёлы, вырошчванні пладоў і гародніны.

231522, вул. Савецкая, 30, а.г. Васілішкі, Шчучынскі раён, Гродзенская вобласць

+375 (15) 147-93-07
+375 (15) 147-93-14 (факс)

Аб прадпрыемстве

Асноўныя звесткі

Арганізацыйна-прававая форма – адкрытае акцыянернае таварыства.

  • Адкрытае акцыянернае таварыства “Васілішкі” створана ў працэсе раздзяржаўлення і прыватызацыі дзяржаўнай уласнасці РУП “Cаўгас-камбінат “Васілішкі” 9 лютага 2005 года (рашэнне Гродзенскага абласнога выканаўчага камітэта № 63). Гісторыя развіцця РУП “Саўгас-камбінат “Васілішкі” пачалася ў 1987 годзе з пускам першай чаргі селекцыйнага — гібрыднага цэнтра, калі быў арганізаваны саўгас — камбінат “Васілішкі” (загад Дзяржаўнага аграпрамысловага камітэта БССР № 7 ад 8 студзеня 1987 года). У адпаведнасці з загадам Мінсельгасхарча № 252 ад 15 жніўня 2000 года “Аб перарэгістрацыі саўгас-камбінат “Васілішкі” рашэннем Шчучынскага выканаўчага камітэта № 321 ад 24 лістапада 2000 года саўгас-камбінат “Васілішкі” перайменаваны ў РУП “Саўгас-камбінат “Васілішкі”. У 2004 годзе адбывалася рэарганізацыя РУП “Саўгас-камбінат “Васілішкі” шляхам далучэння да яго калгасу ім. Суворава (Пастанова СМ РБ № 1297 ад 18 кастрычніка 2004 года “Аб прыняцці ў рэспубліканскую ўласнасць маёмасці, бязвыплатна перададзенай калгасамі (СВК)”, СВК “Васілішкі — агра”, КУП “Саўгас “Шчучынскі” і КСУП “Бакшты — Агра” (Пастанова СМ РБ “Аб рэарганізацыі асобных рэспубліканскіх унітарных прадпрыемстваў” ад 20 снежня 2004 года” 1604).
  • ААТ “Васілішкі” размешчана ў паўночнай частцы Шчучынскага раёна, размяшчаецца на тэрыторыі Васілішкаўскага сельскага савета, маецца 91 населены пункт, у якіх пражывае 5,4 тысяч чалавек.
  • На тэрыторыі ААТ “Васілішкі” знаходзіцца 4 аграгарадкі: Васілішкі, Гурнофель, Галавічполле, Бакшты. Маецца 2 сярэднія (Васілішкі, Галавічполле) школы, развіта гандлёвая сетка.
  • Аграгарадок “Васілішкі” – адна з найбуйнейшых вёсак раёна, налічвае 12 вуліц, працягласцю звыш 10 км, насельніцтва больш амаль дзве тысячы чалавек. У Васілішкаўскім цэнтры культуры і вольнага часу да паслуг наведвальнікаў – 8 гурткоў, аматарскае аб’яднанне “Спадчына”, музычная школа, утульная бібліятэка з чытальнай залай, камп’ютарны кабінет. Працуюць участковая бальніца, амбулаторыя і аптэка. Для заняткаў спортам працуе дзіцяча-юнацкая спартыўная школа, два плавальных басейна, спартыўны корт са штучным пакрыццём, добраўпарадкаваныя дзіцячыя пляцоўкі і зоны адпачынку.

ААТ “Васілішкі”

Агульная плошча 21791 га, сельгасугоддзяў 18857 га, раллі 13955 га, па кадастравай ацэнцы, баль раллі 35.4, баль сельгасугоддзяў 33.5.

Асноўная спецыялізацыя ў раслінаводстве – гэта забеспячэнне жывёлагадоўлі зернефуражом і травяністымі кармамі. Вырабляюцца масланасення рапсу для перапрацоўкі, пры адціску на прэсу алей выкарыстоўваецца для вытворчасці камбікармоў для свінагадоўлі, рапсавы жмых выкарыстоўваецца для вытворчасці камбікармоў для буйной рагатай жывёлы і свіней.

З таварных сельскагаспадарчых культур вырошчваецца бульба, цукровыя буракі, гародніна. ААТ “Васілішкі” мае статус элітнай гаспадаркі па збожжавых і зернебабовых культурах.

Функцыянуе лінія падрыхтоўкі і пратручвання насення пры в. Касцянёва на 5000 тон, больш за 3000 тон высакаякаснага насення рэалізуецца штогод у межах Рэспублікі Беларусь.

Плошчу яблыневага саду складае 174 га, маецца 6 га буякоў. Для захоўвання бульбы маецца 2 бульбасховішча на 5000 тон, для захоўвання яблыкаў і гародніны – фруктасховішча на 3000 тон.

На 1 студзеня 2018 года налічвалася 16806 галоў буйной рагатай жывёлы, у тым ліку 5400 кароў, 86599 галоў свіней. Шчыльнасць буйной рагатай жывёлы склала 86 галоў на 100 га сельгасугоддзяў.

Вытворчая база ААТ “Васілішкі” ў жывёлагадоўлі прадстаўлена пяццю малочна-таварнымі комплексамі (Гурнофель, Васілішкі, Бакшты, Галавічполле, Кронькі), малочна-таварнай фермай в.Сяло, комплексам па вырошчванні цялушак (Галавічполле) магутнасцю 1000 галоў у год, комплексам па адкорму БРЖ (Трайгі) магутнасцю 3600 галоў у год, фермай па адкорме буйной рагатай жывёлы (Клешнякі), свінагадоўчых ферм №1,2,3,4 (в.Зброжкі), рэпрадуктарнай свінагадоўчай фермай па вырошчванні 35000 парасятаў у год (в.Плябанаўцы), племянной свінагадоўчай фермай на 500 асноўных свінаматак (в.Сандыкоўшчызна).

ААТ “Васілішкі” арандуе вадаём у а.г.Гурнофель, дзе вырошчвае карпа і таўсталобіка.

У ААТ “Васілішкі” маецца 151 трактар розных марак, 23 збожжаўборачныя камбайны, 2 буракаўборачных камбайна, 151 аўтамабіль, у тым ліку 94 грузавых, 5 кормаўборачных комплексу. Тэхнічнае абслугоўванне ўсёй тэхнікі вырабляецца на мехдварах (Васілішкі, Бакшты), рамонтных майстэрнях (Лычкоўцы, Гурнофель).

Для забеспячэння жывёлагадоўлі канцэнтраванымі кармамі працуе камбікормавы цэх магутнасцю 15 тон у гадзіну. Магутнасці захоўвання зернефуражу складаюць 45 тысяч тон. Усе працэсы на камбікормавым цэху і збожжасховішчы аўтаматызаваны і знаходзяцца пад пастаянным кантролем кармавой лабараторыі. ААТ “Васілішкі” развівае раздробны гандаль. Маецца 3 крамы “Прадукты” (Кронькі, Васілішкі, Бакшты), дзе рэалізуюцца ўласныя плады, гародніна, ягады, мяса свініны.