Кіраўніцтву і лепшым работнікам ААТ “Васілішкі” ўручылі падарункавыя сертыфікаты, прыгожыя букеты і памятныя наручныя гадзіннікі.

Менавіта за шчырую любоў да працы на зямлі, за імкненне працай праславіць свой родны край работнікі ААТ “Васілішкі” Аляксандр Крывулец, Васіль Рацкевіч, Таццяна Бекіш, Віталіна Лапалайнен і дырэктар Антон Бурнас атрымалі прыемныя падарункі ад прафсаюзнага лідэра аграрыяў раёна Генрыха Юрэвіча – падарункавыя. Але галоўны сюрпрыз чакаў кіраўніка сельскагаспадарчага аддзялення № 3 сельгаспрадпрыемства Міхаіла Кучуры: старшыня абкама прафсаюза работнікаў АПК Міхаіла Сіцько ўручыў яму Падзяку Федэрацыі прафсаюзаў Беларусі і памятны наручны гадзіннік. Гэтай узнагароды мужчына ўдастоены за плённую добрасумленную працу.

Уручэнне падарункаў і прыгожых букетаў у сімвалічнай чырвона-зялёнай абгортцы адбылося ў галаўным офісе ААТ “Васілішкі”. Госці адзначылі, што сельгаспрадпрыемства сёння ўносіць важкі ўклад у развіццё сельскай гаспадаркі Шчучыншчыны і вобласці.

• Кожны раз, прыязджаючы на ​​палі, адзначаю і тэхналагічнасць працы, і арганізатарскія здольнасці спецыялістаў гаспадаркі, – сказаў Генрых Юрэвіч. – Тое, што для некаторых можа здацца зааблочным паказчыкам, для ААТ “Васілішкі” – рэальнасць. І дзякуючы важкім дасягненням многія работнікі атрымліваюць заслужаныя ўзнагароды.

Якраз адным з такіх прэтэндэнтаў і стаў аграрый з саракагадовым стажам Міхаіл Кучура.

• Гэта ўзнагарода – знак удзячнасці і высокая ацэнка як Вашай працы, так і вашага кіраўніцтва і ўсяго калектыву ў цэлым, – падкрэсліў Міхаіл Сіцько.

Міхаіл Кучура працуе ў Шчучынскім раёне даўно, з 1980-га. Усе гэтыя гады мужчына прысвяціў працы на зямлі: спачатку працаваў галоўным аграномам калгаса “Жалудокскі”, а ў 2000 годзе ўзначаліў калгас імя Леніна ў вёсцы Васілішкі.

• Жыццё ідзе, наша гаспадарка за 25 гадоў змянілася вельмі моцна, умовы працы сталі вельмі годнымі, – распавёў аграрый. – Сёння закупляецца шмат тэхнікі, нямала сродкаў выдзяляецца на развіццё тэхналогій, годна аплачваецца праца кожнага. Ды і людзі сталі іншымі – падыход да кожнага асаблівы патрэбен. Але, як бачым, спраўляюся. У аддзяленні №3 паказчыкі сіламі 60 чалавек падтрымліваем добрыя. І сёлета паказчыкі па збожжы, бураках, бульбе, кармах, сенажы, сіласе выкананы на сто працэнтаў.

Жонка Міхаіла Антонавіча хатняя гаспадыня, муж і жонка кожны вечар і выходныя праводзяць разам. Двое дзяцей ужо выпырхнулі з бацькоўскага гнязда: у кожнага свая сям’я і дзеці. Дзядулю цешаць 6 каханых унукаў.

Асобна варта адзначыць, што “школу” Міхаіла Кучуры прайшлі вельмі многія спецыялісты ААТ “Васілішкі”, якія ўжо адбыліся: галоўны аграном Дзяніс Комар, начальнік пладовага сада Пётр Лютастанскі, вядучы аграном Іна Паўлюкевіч.

_{Дыяна Кейка.
Фота аўтара.}