12 сакавіка 2025 года на базе ААТ “Васілішкі” адбыўся навучальны семінар, прысвечаны выкарыстанню і ўдасканаленню элементаў дакладнага земляробства, а таксама інфармацыйнай сістэмы дыстанцыйнага кіравання ў раслінаводстве “Гісторыя поля”. У мерапрыемстве прынялі ўдзел галоўныя аграномы і вядучыя спецыялісты раслінаводчай галіны ўсіх сельскагаспадарчых арганізацый Аграхолдынга. У ходзе семінара быў вывучаны вопыт укаранення лічбавых тэхналогій і намечаны далейшыя крокі па развіццю цыфравізацыі кіраўніцкіх і вытворчых працэсаў у раслінаводстве.

Спецыялісты сектара лічбавага развіцця кіруючай кампаніі холдынгу сумесна з прадстаўнікамі кампаніі ТАА «ГЕАМІРАГРА» правялі навучанне новым магчымасцям і сэрвісам інфармацыйнай сістэмы «Гісторыя поля». Удзельнікам семінара былі прадэманстраваны дадатковыя функцыі сістэмы, уключаючы кантроль якасці выканання тэхналагічных аперацый на палях ААТ “Васілішкі”.
Кіраўніцтва ААТ “Васілішкі” высока ацаніла вынікі выкарыстання інфармацыйнай сістэмы “Гісторыя поля”, падкрэсліўшы эканамічны эфект, дасягнуты дзякуючы яе ўкараненню.

Кіруючая кампанія холдынгу плануе працягваць правядзенне падобных навучальных семінараў для паляпшэння эфектыўнасці і прадукцыйнасці сельскагаспадарчай вытворчасці.