На раніцу 25 красавіка ў цэлым па краіне пасеяны 83 працэнты цукровых буракоў. Пра гэта паведамілі ў Міністэрстве сельскай гаспадаркі і харчавання.

Гродзенская вобласць хутка завершыць работу. Там пасеяна 97 працэнтаў. Да яе наблізілася Брэсцкая вобласць – 76 працэнтаў. У Мінскай – 78, Магілёўскай – 54. Астатнія рэгіёны засяваюць невялікія плошчы цукровых буракоў.

Уся яравая сяўба ў цэлым па краіне праведзена на 960 тысячах гектараў – 41 працэнты запланаваных плошчаў. У Гродзенскай вобласці – 56, Брэсцкай – 51, Магілёўскай – 40, Мінскай – 38, Гомельскай – 32, Віцебскай – 30.

Сямёна ранніх яравых збожжавых і зернебабовых культур (без кукурузы, грэчкі, проса, соі) ужо леглі ў глебу на 89 працэнтах адведзеных палёў, аднагадовай травы - 51, яравога рапсу - 25, кукурузы - 12 (у тым ліку на зерне - 31), гародніны - 28 бульбы - 12.



gedroiz@sb.by