За тры дні датэрміновага галасавання ў рэферэндуме ўжо прынялі ўдзел 24,07 працэнта грамадзян, якія ўключаны ў спісы ўдзельнікаў рэферэндуму. Такія звесткі паведамілі ў ЦВК. 

У тройцы лідэраў – Гомельская вобласць, дзе працэнт прагаласаваўшых 27,61%, Магілёўская (26,34%) і Брэсцкая (25,07%) вобласці. Следам ідуць Мінская вобласць (24,23 працэнта), Віцебская (23,83 працэнта) і Гродзенская (20,85 працэнта).

Найменшая колькасць прагаласаваўшых датэрмінова – у Мінску. Тут бюлетэні для галасавання атрымалі 20,79 працэнта грамадзян ад агульнай колькасці ўключаных у спісы ўдзельнікаў рэферэндуму.

Датэрміновае галасаванне праходзіць па 26 лютага ўключна. Участкі для галасавання будуць адкрыты з 10:00 да 14:00 і з 16:00 да 19:00. Афіцыйнага пацверджання прычын, па якіх чалавек не можа прагаласаваць у асноўны дзень, не трэба.

Цэнтральная камісія нагадвае: грамадзяне, якія зарэгістраваны ў адным месцы, а прагаласаваць жадаюць па месцы пражывання, павінны прад’явіць сябрам участковых камісій дакумент, які пацвярджае месца пражывання. Участковая камісія разгледзіць кожны канкрэтны выпадак і прыме рашэньне.

СБ